KOTIGIR GINAWOKU
Loyuk & Roiton: Junis Korom & Elvis Saladan

Muyuguyu iti tundu-unduku
Mogor-gogor iti suang ginawo
Kokito dika mayau-sayau
Miampai ngingisnu di toomis
Oulau tomod ginawoku kuma dika…

Kumatol noda ginawo mintutun dika
Tigiran noda ginawo siuhang dika…

Nung toboyonku’I ginawo
Singudonku’I ka…
Nga rosian oku iboh
Boros-boroson tulun…

PISOROU-SOROUKU
Loyuk: Junis Korom
Roiton: Rosalind Bion & Junis Korom

Tadau tumalib gumanti sodop
Orongouku tombolog songuni-uni
Timpu di masoku doh poingodop
Tupus ginawoku nokosuni

Baino nopo miagal soribu batu
Sinodu rikoton mogihum dika
Tu nasanganu kodi suai tulun
It poingmogot ko mantad doho…

Cho:
Borosnu laid doho pisorou-sorouku nopo
Baino koulau nopo ginawoku
Lobi po nung kopiruba toh…
Koturu romou kosorou di batos toh…

Pisorou-sorouku noit sinuwaunu
Soira osorouku ih linundusnu
Bayunu it mogoit koihadanku
Kosinduol poporuol sontob diti suang ginawoku…

Selepas solo ulang Cho:

Brige:
Umbalanku daa dot mogihum
Ganti diti tupusku ,tupusku kuma dika
Nga aiso kaganti ti tupusku
Tu nakagamut noh id suang ginawoku poingralom…

KADA PONONDOS
Loyuk & Roiton: Junis Korom

Kada oku dika tondoso
Auku insan mamarati ginawonu
Auku’i goudut…
Kada nogi daa ponondos
Haro suai upusonku suai ko ika
Ingga ibo…

Nokuro tu auko insan doh
Tumbayan do ginawoku pointopot
Mupus diya
Nunu podi poguhangannu doid doho
Oi koupusanku sunudai oku
Posunudo noh…

Cho:
Kada songkotondos-tondos
Kada nogi pomiogu…
Nung ababasan oku motindo
Kowoyo-woyoonnu
Oboliogu gomponondos
Iduanan ku’Iya id koposionku… hu…hu…uhu…

Nung orohian ko poingompus
Piupusan toh gisom-sogigisom
Simbanai noh…
Tulido noh oh ginawonu
Om pomusorou noh dit tosonong
Simbanai noh…

MATO PARANGGI
Loyuk: Saimon Patrick@Ondiyoi
Roiton: Elvis Saladan & Junis Korom

Rongoho poda oi gasi
Tisunudku kuma dika
Kada kadalai mingansau
Kaalai moti burunu…

Kada toboyo oi gasi
Tumanud korohiannu
Otuboh moti koposion
Awanit dino rongodnu…

Kada koti oi gasi
Miagal mato paranggi…
Kada koti oi gasi
Rongodnu oulau tusin…

Soroho poda oi gasi
Waya laang koposionnu
Sosolonnu tohuri tadau
Nga aiso nodi oh rati…

ROMOU PITONGKIADAN
Loyuk: Athur Credence
Roiton: Athur Credence & Junis Korom

Romou tumuru
Tantad mitongkiad toh
Hino kopondo namot koupusanku

Romou tumuru
Tintodku minamanau
Osongulunan kopo namot

Cho:
Tupusku dika auh tumalup
Poinghondomku kasari toririmo…
Auku lihuan lisih nuid doho
Toririmo poingonggomku upusnu

Romou tumuru
Tanda sopiupus to
Sopilangad to namot sopinsodu…

KAINO RUMAMAI
Loyuk & Roiton: Junis Korom

Kaino tokou mongoi rumamai
Nung haro kosiwatannu
Amung noh dahai rumamai

Kaino tokou mongoi rumamai
Lihuai ngaie katangabannu
It koinggorit ginawonu…

Soira koh kamung dahai rumamai…
Olihuan ngaie koinggoritannu
It kosinduol suang ginawonu… hu… hu…

Nga iso podi ih mangan tokou hondomo…
Kada tokou noh pomonsoi dot pogiyoduhan…

NUNU SALAH  KU
Loyuk & Roiton: Elvis Saladan

Tinuru romou doh matoku
Lumuyung mantad id pingasku
Popoilo haro kinokousanku id dika
Kosinduol diti ginawoku…

Songkuro upusku id dika
Upusku aumilo boroson
Aumilo iduon om tagakon id ginawo
Aiso kaanu doh popoidu…

Cho:
Auku nokoilo nunu salaku kumaa id dika
Gisom doh minogidu ko mantad doho
Boros om batosnu nopo laid kumaa id doho
Tumanud ko monoguang nunu nopo… miampai doho…

Iti podi poborosonku
Mokiampun oku kuma dika
Nung haro salaku kumaa id dika
Dit auku nopurimanan…

ITU DULU
Loyuk & Roiton: Mattinin Yukim
Copyright by: Mattinin Yukim 2000

Mogod-togod ko nopo doho
Auku koilo onu ma salaku
Komoyonnu  auh oku oupus diya
Itu dulu sayang itu dulu…

Pourodus ko nopo mintong doho
Soira oku toning tondu suai
tondosonnu auh oku muhang diya
Itu dulu sayang itu dulu

Cho:
Tapi baino iya koupusanku
Songulun ko pointanom id ginawoku
Itu dulu sayang itu dulu

Orosian ko nopo tongkiadanku
Kotongobnu koihum oku suai
Tondu suai mogot mantad dika
Itu dulu sayang itu dulu…

TUPUS AUMILO  ATALUP
Loyuk: Saimon Patrick@Ondiyoi
Roiton: Saimon Patrick@Ondiyoi & Elvis Saladan

Poingkuroh  oku do mogihum  dika
Miagal dino linundus nu
Nosorili ku  noh ti pomogunan
Autia nopoh dii orubaan

Poingkuroh oku do mogoling dika
Tu iya noh tunu-unduku
Songkuroh pia rinalom dilo tanah
Nga lobih ralom lisih ku diya
Cho;
Koupusan …andasan ku nopoh
Aukito no kopitongkiad …
Rikot noh daa id toning ku…
Lingoso noh ti langad ku.. dika…

Solo Verse;

Piginawaan to pogulu auku olingan…
Gisom noh do kapataion ku..
Tupus ku id dika auh nodi tumalup
Tu ika no songulun koupusan ku…
Guli noh daa toruhai 2x..

ARUD
Lagu: Justin Jailip @ Pus
Pinodalin id sinding Dusun: Junis Korom, Jais Mutin@ Tatui & Elvis Saladan
Copyright by: Greenland Entertainment 2006

Guli-guli sunduan arud
Mitongkiad kito noh
Mitongkiad ka pogi arud
Ralannu mogihum suai

Andasanku nopo da arud
Poimpunong  ginawonu
Nokolihu ko doho arud
Auh kouli-uli  id doho

Nokuro ko ma dino arud
Auko milo barasan
Nung kianak ka pogi arud
Simbanan noh rongodnu

Auko nangku osianan arud
Dilo tanganak kito
Songsakit-sakit yolo arud
Nowot kobubungounu